Të mërkurën paradite edhe një përleshje mes refugjatëve dhe policisë maqedonase në kufirin greko-maqedonas në Idomeni.
Një grup prej rreth 100 personave të cilët vazhdojnë pritjen e tyre në kampin në fjalë, janë përpjekur ta kalojnë gardhin me tela, por hasën në intervenimin e policisë maqedonase e cila për t’i larguar përdori gaz lotsjellës dhe shock-bomba.
Sipas informacioneve të marra, refugjatët të cilët kanë qenë nga Afganistani dhe Maroku, kanë sulmuar policinë maqedonase me gurë dhe shkopinj, ndërsa ka patur dhe të plagosur në incident.
Janë me shumë se mbi një mijë refugjatë në këtë vendkalim kufitar Greqi – Maqedoni, pikërisht në Idomeni; ndërsa shtetet e Ballkanit, prej gati 2 muajsh e më shumë kanë mbyllur kufijtë për refugjatët. /tesheshi.com/
