Tre emigrantë në Itali janë përleshur mes vete duke i shkaktuar lëndime ndaj njëri tjetrit. Sipas mediave italiane, njëri prej emigrantëve është shqiptar, ndërsa dy të tjerë janë nigerian. Ngjarja raportohet të ketë ndodhur në qytetin Ferrara, ndërsa shqiptari, identiteti i të cilit nuk bëhet i ditur, ka marrë plagë të rënda.
Ndaj ngjarjes ka reaguar edhe ministri i Brendshëm i Italisë, Matteo Salvini, i cili në Twitter postoi edhe fotografi nga vendi i ngjarjes. Aty shihen të plagosur shqiptari dhe nigeriani, të cilët me gjasë po prisnin arritjen e ndihmës e shpejtë. Në reagimin e tij, Salvini tha se është koha që banditët të largohen nga qytetet.
“Përleshje e madhe midis emigrantëve në lagjen Gad të Ferrara-s, ku u përfshinë një shqiptar dhe dy nigerianë. Më 3 Maj unë do të jem në qytet dhe në orët e ardhshme do të ftoj të gjithë prefektët që të nxjerrin një direktivë për të larguar banditët nga qytetet. Atë që nuk e bëjnë dot kryebashkiakët, e bëjmë ne“, deklaroi Salvini.
Por lagjja Gad e Ferraras nuk është se njihet për ndonjë marifet më të mirë. Për shumë kohë, në këtë lagje qarkullojnë dilerë droge, dhe ankesat përrreth nuk kanë munguar. /tesheshi.com/
