Edhe pse një ditë më parë ia atribuoi vetes fuqizimin më tej të Aleancës Veriatlantike, presidenti Trump ka lëshuar një tjetër “perlë” në deklarimet e tij kontraverse që më pas shndërrohen në debat publik dhe sërish në lidhje me NATO-n.
Tani nuk e ka më me paratë por me parimet. Trump ka vënë në pikëpyetje solidaritetin e NATO-s, duke shprehur dyshime në lidhje me nevojën për luftë, për çdo anëtari të kësaj aleance nëse do cenohej.
Më një intervistë me rrjetin televiziv amerikan Fox Neës, ai i tha gazetarin Tucker Karlson se do kishte një Luftë të Tretë Botërore në rast se SHBA-të do shkonin për të ndihmuar një anëtar më të vogël të NATO-s.
Sipas nenit 5 të Traktatit të Atlantikut të Veriut, të gjithë anëtarët e NATO-s duhet të ndihmojnë dhe mbrojnë një anëtar të sulmuar.
Por Tramp mendon ndryshe.
“Le të themi se dikush po sulmon Malin e Zi, shtetin që iu bashkua Aleancës vitin e kaluar. E pse djali im duhej të shkonte për ta mbrojtur atë?”
Trump shprehu dyshimin e tij për një nevojë të tillë, tashmë duke kundërshtuar dhe sistemin që është ngritur e në bazë të së cilës funksionon NATO. Sipas tij, Mali i Zi mund të mbrohej dhe vetë. /tesheshi.com/
