Ç’lojtar i mrekullueshëm është ky! Si nuk ndalet Shkëlzen Gashi së shënuari gola të jashtëzakonshëm!
Kalimi në futbollin amerikan qe parë si nisja e rënies së tij në fillim të këtij viti, pas muajsh të tërë lënie në stol te Bazeli në Zvicër.
Gashi nuk shkurajohet, e nis dalëngadalë ambientimin, dhe shënon nëntë gola në sezonin e rregullt për Colorado Rapids-in.
Për të ardhur te goli i tij i dhjetë, i shënuar ndaj LA Galaxy, në ndeshjen e kthimit të gjysmëfinaleve të Konferencës Perëndimore. Goli i tij i ka dhënë fitoren Colorado-s, 1-0, për t’u kualifikuar për më tutje pas 11-metërshave.
Një gol nga 35 metra, me një goditje bombë me të majtën.
Gashi e ka lënë lojën pas pjesës së parë i dëmtuar, dhe është parë më pas me paterica. Ende nuk dihet shkalla e dëmtimit të tij.
Ja ç’shkruan pas këtij takimi faqja e specializuar për MLS-në, kampionatin amerikan të futbollit, mlssoccer.com, “Këmba e majtë më e mirë në MLS? Argumentueshëm i përket Shkëlzen Gashit… Gashi, i cili shënoi nëntë gola në sezonin e rregullt, nuk është një i huaj kur vjen puna te goditjet e klasit botëror….” /tesheshi.com/
https://youtu.be/m59rdnYvgZM
