Policia e Kosovës organizoi një ceremoni përkujtimore në 5-vjetorin e vrasjes së Enver Zymerit, efektivit të saj, i cili u vra nga një dorë serbe, përgjatë një aksioni për vendosjen e sovranitetit të shtetit në veri.
Autoritetet më të larta shtetërore vendosën kurora me lule tek lapidari i heroit në kompleksin e Drejtorisë së Përgjithshme të Policisë në Prishtinë, për të vijuar më pas drejt fshatit Dubovc, për homazhe tek varri i tij, dhe vizita në familjen Zymeri.
Dhe sot pas 5 vjetësh, edhe pse u desh të paguhej rëndë me jetë njerëzore, veriu i Kosovës ka mbetur në duar serbësh, të cilët nuk e njohin për asnjë çast sovranitetin e shtetit të Kosovës. Ata veprojnë si struktura paralale, si një investim i fuqishëm i Beogradit, për ta mbajtur të ndarë veriun nga pjesa tjetër e Kosovës. /tesheshi.com/
