Xhevat Jusufi, ish-z/komandant i UÇK-së për logjistikë i Zonës Operative të Shalës, është përkujtuar nga bashkëluftëtarët dhe qytetar e shumtë në 17-vjetorin e vrasjes së tij në fshatin Smrekonicë të Komunës së Vushtrrisë.
“Tre janari i vitit 1999 ka qenë një ditë e kobshme për tërë UÇK-së e në veçanti për Zonën Operative të Shalën, pasi që në një pritë të organizuar nga armiku, humbëm jetën z/komandanti Xhevat Jusufi dhe u plagos rënd ish-komandant Besi, tani gjenerali i FSK-së Zymer Halimi”, ka thënë para të pranishmëve Miftar Kurti.
“Xhevati ka qenë njëri ndër themeluesit e UÇK-së në Zonën Operative të Shalës së Bajgores, rënia e tij ka qenë një humbje e madhe për tërë UÇK-së në Shalë, por edhe më gjerë, ndërkohë që dhembja për humbjen e komandantit na ka motivuar që të luftojmë edhe më shumë për idealet e tij deri në çlirimin e Kosovës”, ka thënë bashkëluftëtari.
Kurti ka shtuar se “ dëshmori i kombit Xhevat Jusufi në vitin 2013 është shpall nga presidentja e Kosovës me dekret Hero i Kosovës”
Në anën tjetër kryetari i Shoqatës së Veteranëve të Luftës së UÇK-së, Rafeti Ibishi, me rastin e përkujtimit të 17 vjetorit të rënies së z/komandantit të UÇK-së, Xhevat Jusufit dhe plagosjes rëndë të komandant Besit, ka theksuar se lajmi për vrasjen e Xhevatit i ka tronditur të gjithë bashkëluftëtarët e tij, porse sipas tij, ky lajm i hidhur shpejt është kthyer në një motiv më të madh për të luftuar edhe me fort kundër forcave okupatore serbe deri në çlirimin e tërësishëm të Kosovës
Ndërsa Esat Jusufi, djali i heroit, duke falënderuar të pranishmit ka theksuar: “kur po shohim këtë respektin që bashkëluftëtarët dhe qytetarët e Kosovës po i bëjnë babait tim, familja është krenar për këtë hero që i kemi dhënë Kosovës”.
Në ceremoninë e përkujtimit të 17-vjetorit të rënies së herot të Kosovës, Xhevat Jusufit, kanë marr pjesë dhe Komandanti i Përgjithshëm i FSK-së, gjeneral Rrahman Rama, z/Komandanti, gjeneral Zymer Halimi, Kryetari i Komunës së Mitrovicës, Agim Bahtiri si dhe shumë qytetarë e zyrtarë të institucioneve të Kosovës. /tesheshi.com/
