“Perëndimi nuk ka mësuar nga historia e as nga Lufta e Dytë Botërore”,- ka deklaruar kryeministri i izraelit Benjamin Netanjau në ceremoninë përkujtimorë të viktimave të Holokaustit.
“Marrëveshja e keqe mes Iranit dhe 6 fuqive botërore tregon se historia nuk ka shërbyer si leksion. Perëndimi është përfshirë në veprimet agresive të Iranit, tha Netanjau, duke shtuar se ashtu si nazistët u përpoqën të shkatërrojnë civilizimin duke eliminuar popullsinë hebreje, edhe Irani po përpiqet të marrë statusin e drejtuesit të rajonit, me qëllimin e deklaruar asgjësimin e popullit tonë.
Me herët presidenti Obama ka deklaruar disa herë se qëndron në krah të Izraelit dhe ka kujdes të veçantë për sigurinë e tij, por kjo nuk e ka kënaqur aspak liderin e vendit hebraik.
Sot Izraeli kujton Holokaustin, me ceremoni të ndryshme, ku kumbimi i sirenave për dy minuta në të gjithë vendin dhe heshtja totale nderojnë të gjithë të vrarët në kampet naziste./tesheshi.com/
