Kryeministri Rama kujtoi një-vjetorin e tërmetit tragjik të 26 nëntorit, duke e cilësuar atë si “ditët më të çmendura të jetës sime”
“Arrijmë në Durrës. Arritja ishte drithëruese. Shof banorët, Edisonin, një-ish deputet tonin që kërkonte motrën bashkë me fëmijët, ndërkohë kisha një frikë nga një ndjenjë vetmie si do dal nga kjo situatë për mijëra njerëz.
Kanë qenë ditët më të çmendura të jetës time nuk mbaja mend më as datat pas dy ose tre ditëshm ndërkohë kujtoj frikën e njerëzve ato daljet me furi kur dikush shpërndante lajmin se po vjen tërmeti. Halli ishte sa kampe mund të të ndërtoja për këto familje”, thotë ndër të tjera shefi i qeverisë shqiptare.
“Çdo krizë është një mundësi dhe e dija se duhet ta shndërronim këtë krizë në një prespektivë të re, por edhe për Shqipërinë për një rast për të dalë më të lidhur me njëri-tjetrin qeveria me popullin.
Njerëzit ankohen me të drejtë sepse ka ende për të bërë, unë nuk kënaqem kurrë nga vetja. Në këtë punë kam mësuar durimin. Duhet shumë durim. Shqipërinë e gjetëm si ato pallatet që ranë dhe po e mbajmë. Na duhet kohë dhe punë e durim sepse përkushtimi i madh nuk na mungon”, shton Rama. /tesheshi.com/
