Si një vend pa vdekje dhe me një sasi minore të inbfektuarish në raport me popullsinë, Vietnami ka marrë lëvdata nga Organizata Botërore e Shëndetit (OBSH) dhe mund të shërbejë si një shembull i një vendi që ka arritur të frenojë këtë djallo pandemi.
Megjithëse kufizohet me Kinën, Vietnami deri më tani ka shmangur situatën që koronavirusi i ka sjellë Evropës dhe Shteteve të Bashkuara, me masa të hershme dhe vendimtare siç janë testimi në masë, karantina e rreptë dhe uniteti shoqëror.
Sipas Universitetit Johns Hopkins, Vietnami, një vend me më shumë se 95 milion banorë, ka vetëm 262 persona.
Statistikat zyrtare tregojnë se në Vietnam 75,000 njerëz aktualisht janë në karantinë ose të izoluar. Shteti ka kryer më shumë se 121,000 testime deri më tani.
Nuk ka të vdekur nga Corona në këtë vend komunist të Azisë Juglindore, dhe shkalla e infeksionit është dukshëm më e ulët sesa në Korenë e Jugut, Singaporin apo edhe Tajvanin – vendet që lavdërohen për reagimin e tyre ndaj krizës.
Kidong Park, zëdhënësi i OBSH për Vietnamin, beson se masat e hershme ishin çelësi i suksesit: “Vietnami iu përgjigj pandemisë herët dhe në mënyrë proaktive. Ushtrimi i parë i tyre për vlerësimin e rrezikut ndodhi në fillim të janarit, menjëherë pasi u raportuan rastet e para në Kinë.”
Shteti shpejt themeloi Komitetin Kombëtar Drejtues për Parandalimin dhe Kontrollin COVID-19, i cili menjëherë zbatoi një plan kombëtar për përgjigjen ndaj krizaz, shton Park.
Megjithëse ekzistojnë një numër i vogël i infektimeve të konfirmuara, Vietnami gjithashtu e bëri një karantinë të gjithë vendin më 1 Prill, shumë më shpejt dhe më vendosmërisht sesa Mbretëria e Bashkuar dhe Italia, gjë që e bënë këtë vetëm kur numri i tyre filloi të matet në mijëra.
Pjesa më e madhe e suksesit të Vietnamit mund t’i atribuohet unitetit të tij shoqëror.
Sekretari i Përgjithshëm i Partisë Komuniste në Vietnam, Nguyen Xuan Phuc, kohët e fundit e deklaroi luftën kundër infeksionit si një “ofensivë të përgjithshme pranverore të vitit 2020”, një referencë e qëllimshme për një “Tet Offensive” kryesor të vitit 1968 të nisur nga Viet Kong gjatë Luftës së Vietnamit që rezultoi me tërheqjen e ushtrisë amerikane. /tesheshi.com/
