Përjashtimi nga PD i kreut të demokratëve të Lushnjës Myslim Murrizi, njeriu që u rebelua ndaj vendimit për dorëzimin e mandateve dhe vijoi ta mbajë atë duke premtuar dhe jetë të rregullt parlamentare, ka bërë që kryetari Basha të dërgojë në Lushnjë dy emisarë për riorganizimin e degës. Ata janë Enkelejd Alibeajn dhe Sahit Dollapi.
Sipas asaj çfarë raporton Shqiptarja.com, do jetë kjo dyshe që do merret me degën e mbetur tashmë pa kryetar, në një tentativë për të mos e lenë në vakum për shkak të largimit të Murrizit, influenca e të cilit në nivel lokal është mjaft e fortë.
Bien në sy fakti se te përzgjedhja e Bashës nuk është përfshirë kryetari i grupit parlamentar Edmond Spaho, një emër që vjen nga zona e Lushnjes. Se ndërsa Alibeaj është deputet i Fierit, fqinj me Lushnjën, Sait Dollapi vjen nga Tropoja.
Vite më parë, figura më e njohur e PD-së nga Lushnja ishte Ilir Bano. /tesheshi.com/
