Kreu i deputetëve socialist, Taulant Balla, ka reaguar në një prononcim për mediat në lidhje me përjashtimin e kolegut të tij demokrat, Flamur Noka, nga seanca, pas thyerjes së rregullores. Balla akuzoi PD se ka një skenar për të bllokuar punimet e parlamentit, duke lidhur sjelljen e sotme të deputetit Noka me atë të kreut demokrat Lulzim Basha, një javë më parë.
“Siç e shikoni ne bashkë me ju po bëhemi dëshmitarë të një skenar të parapërgatitur në çdo seance ku sapo fillon seanca, PD shpik një arsye për të bllokuar Kuvendin. Në seancën kaluar u shpërdorua Basha, sot u shpërdorua Noka që do jetë një shpërdorim i mandatit të tij. Shqiptarët na kanë besuar për më shumë punë dhe shtet.
Na vjen keq që PD i është rikthyer një bllokimi që nuk i bën mirë Shqipërisë. Pr/ligji për pakicat ka kaluar përmes një konsensusi të plotë. Fjala për proçedure jepet, por kur deputeti që ka radhën në foltore fjala prevalon. Noka i ndërpreu fjalën deputetit të LSI”, tha Balla, duke sqaruar edhe shkeljen e bërë nga kolegu i tij demokrat. /tesheshi.com/
