Vizita e kryeministrit serb, Aleksandër Vuçiç në SHBA dhe premtimi për të hequr dorë nga gazi rus, ka sjellë një telash të madh për kreun e qeverisë së Beogradit sapo është kthyer në shtëpi.
Bëhet fjalë për publikimin e një përgjimi ku bësohet se kanë dorë shërbimet sekrete dhe qarqet serbe të lidhura njëqindfish me Moskën.
Për herë të parë që nga koha kur erdhi në pushtet, Aleksandër Vuçiç është përfshirë në një skandal korrupsioni.Nje portal ka publikuar një bisedë telefonike në të cilën ngrihen akuza ndaj një personi të besuar të kryeministrit serb dhe në të njëjtën kohë theksohet se transkripti i bisedës telefonike është siguruar përmes përgjimeve të policisë.
Por mbetet i çuditshëm fakti se ndërsa njeri prej pjesëmarrësve në bisede, kryeministri dhe njëkohësisht lideri i Partisë Demokratike në Vojvodinë, Bojan Pajtiç konfirmon se transkripti është origjinal, ministria e Brendshme dhe Agjencia për siguri dhe informacion mohojnë të kenë zbuluar një përgjim të tillë.
Pajtiç përfshin në bisedë edhe ambasadorin amerikan në Serbi, Michael Kirby, i cili është përgjigjur duke thënë se bëhet fjalë për një transkriptim telefonik referuar një bisedë të paktën një vit e gjysmë më parë.
Pajtiç pohon se një njeri i besuar i kryeministrit Serb, Nikola Petroviç, administrator i kompanisë shtetërore serbe, i ka kërkuar rryshfet një kompanie të madhe amerikane për të zhvilluar të njëjtin aktivitet në Serbi.
Sipas përgjimit të bisedës, udhehëqesi i Vojvodinës, Pajtiç ishte duke folur me Lidija Udoviçkin, motrën e Korit, ministër i administratës shtetërore dhe pushtetit lokal.
Lidija Udoviçki dhe bashkëshorti i saj Mark Crandall, qytetarë të SHBA-së, janë pikërisht njerëzit që kryeministri serb pa i përmendur në mënyrë direkte i ka akuzuar në një intervistë të kohëve të fundit se po përpiqen t’u bëjnë shantazh autoriteteve serbe.
Sipas transkriptit të bisedës, Lidija Udoviçki pohon se administratori i kompanisë shtetërore serbe (EMS) Nikola Petroviç, i emëruar në këtë pozicion nga SNS (Partia Progresive Serbe), i ka kërkuar para kompanisë CVVP ku Crandall është bashkëpronar për një park eolik që shoqëria amerikane donte të ndërtonte në Serbi, gjë që Petroviç e ka mohuar.
Megjithatë, biseda është e qartë: Lidija Udoviçki në bisedë me Pajtiç akuzon hapur për tentativë grabitje Petroviçin, i cili njihet si njeriu që ka influencë të madhe te Vuçiç.
Në një pjesë të bisedës, Pajtiç tregon se ambasadori Kirby i kishte thënë se Petroviç i ka shkaktuar shtetit 2 milion euro dëm çdo muaj.
Në një konferencë për shtyp, Pajtiç ka konfirmuar se transkripti është autentik. Ambasada amerikane lëshoi nje komunikatë ku deklaron se Kirbi nuk ka thënë ato që janë publikuar në portal, por lideri i Partisë Demokratike të Vojvodinës përgjigjet se nuk priste që ambasadori ta konfirmonte.
Tani që dosja për kryeministrin serbVuçiç u hap, dalin në sipërfaqe detaje të tjera të turpshme siç ishte letra që pesë anetare të Kongresit të SHBA i dërguan zv/presidentit Joe Biden në momentin që Vuçiç ishte për vizitë në Uashington, per t’i bërë të ditur se Petroviç dhe vëllai i kryeministrit serb, Andrej, janë akuzuar si të përfshire në një skandal të madh korrupsioni. /tesheshi.com/
