Kryeministri Rama paralajmëroi sërish hapjen e një procesoi gjyqësor në Gjermani, kundër përgjimeve të publikuara nga Bild.
Gjatë një fjalimi në Kuvend, ai i quajti ato një “sallatë fjalësh” dhe i denoncoi si një aferë të ulët politike të opozitës.
“Kur bashkohet ankthi nga drejtësia, kjo mund të rrëzohet duke marrë peng procesin zgjedhor. Marrja peng e tij është një orvatje për t’i mbyllur Shqipërisë derën e negociatave dhe i gjithë plani me përgjime të pa hetuara, por të mbyllura në kasafortë dhe pastaj të dorëzuar tek Partia Demokratike që paralajmëron daljen e përgjimeve në Gjermani përpara se ato të shkojnë në Gjermani.
Kalendari i përgjimeve, aspak i përputhur me kalendarin e protestave, flasin vetë për këdo që dëshiron të shikojë dhe që dëshiron të mendojë. Është një revolucion imagjinar me punonjës bashkie, me punonjës bashkiakë, me të rinj rrugë-humbur që maskohen, por që funksionojnë në raport me qëllimin, sepse ofron pamje të përputhshme me imazhin e një vendi që është gati të hapë negociatat dhe nga ana tjetër synon të mbjellë frikën tek njerëzit.
Përgjimet janë një sallatë e madhe fjalësh, që s’kanë asgjë. Dhe jam në proces. 4 javë është afati për të ngritur padi në gjermani dhe do iu kërkoj gjykatave gjermane që të zbardhin të vërtetën, lidhur me gjithçka që është thënën në adresën time”, tha Rama.
Ai gjithashtu akuzoi presidentin Meta si zjarrvënës dhe tha se zgjedhjet do bëhen me 30 qershor.
“30 qershori do të jetë dita e zgjedhjeve, duan apo nuk duan, qoftë ata që i fusin në këtë zjarr qoftë këta që i ndjekin drejt zjarrit. Sidoqoftë ajo që na takon është çka i takon kujtdo që është në të drejtën, të jemi të vendosur dhe të vetëpërmbajtur. Fatkeqësisht ky është edhe rezultati i përfshirjes skandaloze të atij që është sot është në zyrën e Presidentit por që e ka humbur të drejtën të qëndrojë në atë zyrë duke i hedhur benzinë zjarrit”, theksoi shefi i qeverisë. /tesheshi.com/
