Media të ndryshme po publikojnë përgjime të cilat kanë çuar kryebashkiakun e Lushnjes Fatos Tushe që të përfundojë pas hekurave me urdhër të SPAK.
Në to del në pah mënyra se si ai abuzonte me postin. Kështu, ai favorizonte një biznesmen për një ndërtim pa leje, ndërkohë që merrte si shpërblim nga biznesmeni marrjen e provimit nga vajza e tij në fakultet.
Ja një prej përgjimeve, ku ai flet me biznesmenin Ismail Blliku, i cili kishte ndërtuar pa leje, por nuk ishte raportuar si i tillë, pasi kishte mbrojtjen e kryebashkiakut.
Blliku: Përshëndetje kryetar jam Ismail Blliku kemi biseduar bashkë kam ulur një palë shtëpi, por më ka ardhur Fatos Lulo dhe më ka pezulluar punimet.
Tushe: Mirë, mirë, i thuaj që kam folur me telefon me kryetari, dhe telefoni…të thashë unë më duket….ky telefon nuk është për këto lloj bisedash, merre rrugën, ja ku është Shegasi dhe hajde më thuaj mua këtu, telefoni nuk është për këto lloj biseda…hajt.
Blliku: Dakord, dakord.
Fatos Tushe: Hajt.
Gjithashtu, Tushe kishte krijuar një rrjet nepotik, i cili ishte përfshirë në afera abuzive, ndër të cilat dhe ai i një tenderi për një kanal kullues.
Pra, kthimi i sërishëm i Tushes në drejtimin e Bashkisë së Lushnjes pas plagosjes me një granatë, të cilën ia hodhi në zyrë ish-shoferi i tij, paska patur arsye tej ndjeshmërisë morale për përgjegjësinë publike; thjesht interesa të forta për të qëndruar në atë post.
Kryeministri Rama që dje firmosi shkarkimin e tij, ka përgjegjësinë e madhe që e lejoi të kthehej në Bashki pas plagosjes. Sepse, ja rezultati. /tesheshi.com/
