Kryeministri Edi Rama ka zgjedhur të mos përfshihet drejpërdrejt në kundërakuza me ish-aleatin e tij qeveriës, Ilir Meta, të cilin e zgjodhi president me votat e partisë së tij.
Por një përgjigje ia ka dhënë sot presioneve që erdhën nga goja e Metës dje në darkë se nuk do t’a lejonte të bënte qeverinë pas zgjedhjeve.
Gjatë fushatës në Kolonjë, Rama tha i ka quajtur “moçal” të gjitha drejtoritë që kishte LSI-ja në qeverisjen e përbashkët, dhe nga ana tjetër ka kërkuar votën që të mos e mbajë më në “prehër” parti që kërkojnë të marrin peng qeverinë, sipas tij.
“Ishte një marrëveshje ku ne nuk menduam për pushtetin për vete, por për shtetin e të gjithë shqiptarëve që dhe ata që janë me PD këtu në Kolonjë te mos ndiheshin si qytetarë të doreës së 7 ku nuk kishin të drejtë as të votonin. Ama atyre i them i keni borxh PS, ju shpëtuam Lulin, nderin e PD tani duhet të votoni për ne të shpëtojmë Shqipërinë nga Luli dhe të gjitha lulet e tjera që kanë lulëzuar ka 27 vjet në moçalin që partitë kanë krijuar me votat tuaja. Moçal në hipoteka, moçal në patenta, moçal në licenca. Unë po ju them vetëm kaq më ndihmon i që të kemi timonin pa pasur të tjerë në preher, e duam timonin e qeverisjes dhe të reformave për të bërë shumë më tepër për ju dhe ju siguroj se po e patëm timon dhe po nuk patëm të tjerë që të na shantazhojnë që mos prek këtu mos prek atje, se ky është i imi, atë zyrë e kanë ata tanët unë po ju them në 4 vjet do bëjmë një administratë shtetërore që do jetë modeli i respektit për njerezit e zakonshëm të këtij vendi”- tha Rama sot.
Duke krijuar batutë me vendlindjen e Fan Nolit e motrave Qiriazi ai tha se dhe ata do të votonin PS-në.
“Sikur t’i kërkonit një mendim peshkopit të madh për kë të votoni në 25 qershor, ça do ju thoshte? Mendoheni, mendoheni! Por një gjë është e sigurtë Fan Noli dhe të tërë të tjerë do rrotullohen në varr nga sikleti për çdo votë që do e çoni te partitë që duan të mbajnë peng shtetin. Mendoni për një moment sikur të pyesnit motrat Qirjazi kë të votojmë? Elisën apo atë feudalin e Leskovikut ?”- aludoi Rama./tesheshi.com/
