Edhe nga kampi opozitar është shprehur së fundi gadishmëria për dialog kërkuar nga Presidenti Nishani
PD dhe koalicioni opozitar sapo kanë shpërndarë një njoftim për media ku thonë se: “mirëpresin ftesën institucionale të Presidentit Nishani për dialog në funksion të zgjidhjes së krizës së rëndë politike që ka mbërthyer Shqipërinë.”
“Ndonese shkaktari i kesaj krize Edi Rama me veprimet dhe qendrimet e tij ka vendosur interesin e tij vetjak para interesave të qytetarëve shqiptarë, opozita dhe Partia Demokratike kanë kërkuar gjithmone rrugën e dialogut të vërtetë dhe jo fasadë për tu bashkuar në luftën kundër krimit, drogës, korrupsionit dhe kthimit të shtetit në garnizon elektoral të pushtetit, që kercenojnë asgjesimin e zgjedhjeve, demokracisë dhe stabilitetit permës zgjidhjes se ofruar”, thuhet në njoftim. /tesheshi.com/
