Ka një ngazëllim të dukshëm te një prej emrave shqiptarë të medias në Perëndim, Enver Robelli, me nivelin më të papërshkrueshëm të mllefit islamofobik, ndaj një incidenti të ndodhur së fundi në Gjermani.
Më saktë, politikani Michael Stürzenberger, një islamofob si ai, u sulmua me thikë gjatë një ngjarjeje politike në një shesh në Mannheim, në Baden-Württemberg.
Sipas një njoftimi të policisë, gjatë një aktiviteti të “Lëvizjes Qytetare PAX Europa”, sulmuesi i është afruar nga pas politikanit 58-vjeçar dhe ka arritur ta godasë me thikë. Madje ai ka goditur me thikë në qafë njërin prej policëve që tentuan ta ndalonin.
Bëhet fjalë për një prej figurave më të ndyra kundër Islamit dhe muslimanëve në Gjermani, sishok i Enver Robellit, një kolumnist i rregullt për blogun islamofobik Politically Incorrect dhe një aktivist i lëvizjes fashiste PEGIDA, e cila ka një shenjëstër Islamin e muslimanët.
Janë emra dhe lëvizje që kanë kaluar çdo cak etik, gjuhëshuar e të paskrupullt në urrejtjen ndaj Islamit e muslimanëve. Janë tipikisht fashistë, ata të cilët akuzojnë Islamit si fashist, ndonëse historia e njeh fashizmin si ideologji europiane, me viktima edhe vende muslimane, e të një Islami që ka prodhuar qyetetërim e jo fashizëm.
“Fytyra e terrorit” ka qenë një shkrim i Enver Robellit fill pas incidentit, ku që në titull, pa vijuar te shkrimi që qelbet sa idiotësi e sa ligësi, nga më e ulëta njerëzore, ngërthen ngazëllimin për atë që ka ndodhur, si rast i artë për të shfryrë gjithë frustrimin e tij psiqik ndaj Islamit dhe muslimanëve.
Ai akt, i dhunshëm sipërfaqësisht duke u shkëputur nga konteksti, pasi ende nuk dihen dhe detaje – pra se cili është autori, çfarë përfaqëson ai – sigurisht që nuk ka asnjë lidhje me etikën islame të një muslimani edhe kur atij i bihet në qafë, në raport me të cilën Enver Robelli ngjan një mjeran. Po të kishte lexuar, siç pretendon se ka lexuar, madje po të kishte studiuar, ama pa mllefin në gjoks por me predispozitën e qashtër njerëzore për ta njohur të vërtetën, do bëhej terrorist ndaj vetes për nivelin e lartë idiotësisë e ligësisë që e ka karakterizuar, në mos të bëhej musliman, siç ka ndodhur me qindra raste, dje apo sot, pra kur islamofobë me nam janë kthyer në të kundërtën, sapo kanë lëçitur apo mësuar diç prej një seti vlerash me burim hyjnor në një besim krejtësisht të tillë, ardhur për tokësorët. Por tokësori s’mund të jetë tërësisht hyjnor, ndaj nxiton e gabon. Duke gabuar mund të marrë dhe jetë, të cilat në gjykimin islam janë një llogari e rëndë në emër të drejtësisë perfide, të cilën Islami e ka të shenjtë.
“Terrorin”, këtë sajesë të ndyrë të diskursit antiislam, ta mbajnë për vete ata që historia e ka provuar, dje dhe sot, se terrorin e kanë në gjak; ta mbajë për vete dhe Enver Robelli, që si islamofob investohet drejtpërdrejt apo tërthorazi në terror ndaj muslimanëve, siç po ndodh aktualisht në Gaza, aty ku po shkruhet terrori më i madh në histori, me autorë pikërisht sojin njerëzor ku është rreshtuar Robelli.
Ndaj i themi troç: Enver, terrorist je vetë!
