Kaosi shpërtheu të hënën në mëngjes (me orën lokale) gjatë një parade të përvjetorit të 4 korrikut në Highland Park, Illinois, kur një person i armatosur i panjohur hapi zjarr, duke shkaktuar panik midis pjesëmarrësve të ngjarjes dhe spektatorëve.
Shumë marshues raportuan se kishin dëgjuar të paktën 25 të shtëna armësh rreth dhjetë minuta pas fillimit të parades, duke bwrw qw njerëzit të vrapojnë tw tmerrua pwr tw kërkuar siguri.
My video.. I was at #Highland Park parade.. Terrified people fleeing July 4th parade when shooting started. pic.twitter.com/DSe0NJOuem
— Lynn Sweet (@lynnsweet) July 4, 2022
Dëshmitarët pretenduan se kishin parë të paktën pesë njerëz të gjakosur të shtrirë në tokë dhe një tjetër nën një batanije, sipas Chicago Sun Times, ndërsa një reporter për të njëjtën gazetë tha se ai pa tre persona të shtrirë pa ndjenja në rrugë.
Një burim sigurie tha për televizionin Fox 32 se ka një të vdekur dhe shumë të plagosur. Të njëjtin informacion, për një person të vdekur, ka transmetuar edhe rrjeti televiziv WGN TV.
ארה״ב,אירוע ירי במצעד יום העצמאות באלינוי,דיווח על הרוגים ופצועים. 💡#Illinois #USA #IndependenceDay2022 pic.twitter.com/T1qQbxicMX
— Real News IL (@RealNewsIL) July 4, 2022
Zjarrfikësit dhe mjekët në vendngjarje raportuan përmes radiove të tyre se rreth nëntë persona ishin qëlluar. Ky numër nuk është konfirmuar zyrtarisht, por disa autoambulanca janë parë duke dërguar viktimat në spital.
Disa njerëz që morën pjesë në paradë thanë se panë personin e armatosur në çatinë e një ndërtese, me policinë që nisi një gjueti për ta gjetur atë. Rreth një orë pas të shtënave, policia tha se incidenti ishte ende “aktiv”.
https://twitter.com/i/broadcasts/1YqJDqeklOexV
Një producent i CBS-2 në vendngjarje, Elisa Kaufman, tha se “të gjithë po vraponin, fshiheshin dhe bërtisnin”. “Njerëzit bërtisnin se ka të shtëna,” tha banorja e Highland Park Debbie Glickman për Associated Press. “Kështu filluam të vrapojmë. Sapo vrapuam. Ishte kaos atje”. Megjithatë, Glickman tha se ajo nuk dëgjoi ndonjë zhurmë dhe nuk pa ndonjë të plagosur.
BREAKING 🇺🇲 : At least 9 people were shot and critically injured
♦️Police officers, firefighters, ambulances, and armored vehicles heading towards the active shooter incident in #Highland park, #Chicago. #Illinois #USA pic.twitter.com/pWLH8uayyn
— Zaid Ahmd (@realzaidzayn) July 4, 2022
Zyrtarët e Highland Park konfirmuan në Facebook se policia iu përgjigj një “incidenti” në zonë dhe se festimet u anuluan dhe publikut iu kërkua të qëndronte larg zonës.
Brad Snyder, i cili përfaqëson shtetin e Illinois në Dhomën e Përfaqësuesve, ndodhej në këtë qytet, në brigjet e liqenit Michigan, kur u dëgjuan të shtënat. “Unë dhe anëtarët e ekipit tim të fushatës sapo ishim takuar për fillimin e paradës kur filluan të shtënat,” shkroi ai në Twitter. /tesheshi.com/
