Një sherr mes të rinjsh në një ndër plazhet më tërheqëse të bregdetit shqiptar, në Borsh, ka çuar në bilancin e 1 të vdekuri dhe 3 të plagosurish. Viktima është Përparim Bega, 31-vjeç, i qëlluar me thikë.
Zyrtarisht thuhet se përplasja mes të rinjve, 7 sosh, ka patur “arsye të dobëta”, dhe detajet më të hollësishme pritet të zbardhen orët në vijim, pas hetimeve intensive që po zhvillon policia.
Pas një serie mbytjesh, ky është i pari rast këtë sezon ku viktimat vijnë nga përplasjet në rrethana plazhi. Janë këto incidente që nuk kanë munguar as vitet e kaluara. /tesheshi.com/
