Rusia ka filluar prodhimin masiv të strehimoreve të lëvizshme që mund të mbrojnë kundër një sërë kërcënimesh, siç thuhet duke përfshirë rrezatimin nga një shpërthim bërthamor.
Strehimoret e lëvizshme prodhohen në masë në Rusi, njoftoi instituti kërkimor i Ministrisë së Situatave të Emergjencave Ruse. Njoftimi vjen pasi administrata e presidentit amerikan Joe Biden autorizoi Ukrainën të përdorë raketa amerikane me rreze të gjatë veprimi për të goditur thellë brenda territorit rus.
Edhe pse instituti kërkimor nuk e lidhi rritjen e prodhimit me krizat aktuale, streha “KUB-M” cilësohet si e mbrojtur nga kërcënime të ndryshme, duke përfshirë copëzat, mbeturinat dhe zjarret.
Sipas institutit shtetëror, streha mund të përdoret edhe në permafrostin e gjerë verior të Rusisë. Njësia standarde mund të strehojë 54 persona, por ekziston edhe mundësia e përmirësimeve shtesë.
🚨 RUSSIA STARTS BUILDING NUCLEAR-RESISTANT SHELTERS
Russia has started mass-producing KUB-M mobile bomb shelters, designed to protect against nuclear shockwaves, radiation, and conventional threats for up to 48 hours.
These shelters, which house 54 people and resemble… pic.twitter.com/siFfrOKwDZ
— Mario Nawfal (@MarioNawfal) November 19, 2024
Ministria ruse nuk e lidh zyrtarisht prodhimin e strehimoreve të lëvizshme me ndonjë krizë aktuale, por është e qartë se njoftimi pasoi disa ditë pasi administrata e presidentit amerikan Joe Biden ra dakord të lejonte Ukrainën të lëshonte raketa me rreze të gjatë veprimi të SHBA-së thellë në Rusi. Kremlini e quan vendimin të pamatur dhe pretendon se do të përgjigjet me vendosmëri. /tesheshi.com/
