Torta e akullit me krem pana dhe çokollatë është një tortë që s’ka nevojë për pjekje. Përgatitet pa gjalpë dhe pa vezë. E përshtatshme për pasditet e nxehta verore.
Përbërësit
300 gr biskota me kakao (marka pana di stele ose petit beurre)
90-100 ml qumësht
50 gr sheqer pluhur
1 lugë kakao
150 ml pana pastiçerie
2 lugë Nutella ose gjalpë lajthie
1 lugë qumësht panda
Thërrmoni biskotat në një mikser. Biskotave i shtojmë kakaon, sheqerin pluhur dhe qumështin dhe i përziejmë derisa përfitojmë një shtresë të butë. E mbështjellim me letër për pjekje dhe e lëmë në frigorifer për të paktën gjysmë ore.
Ndërkohë përgatisim kremin duke i shtuar panës çokokremin dhe qumështin panda duke i përzier me kujdes. Shtrojmë masën me biskota duke përdorur një shkop kuzhine apo dhe me ndonjë fund kavanozi duke u munduar t’i japim një formë katrore.
Shtrojmë kremin dhe me një pirua mund të hedhim pak çokokremin nga sipër. E mbështjellim masën me letrën dhe e ruajmë për një tjetër gjysmë ore në akull dhe kur e servirim e presim në feta. /tesheshi.com/
