Ky lloj keku është i lehtë për t’u përgatitur dhe i lehtë për t’u konsumuar. Është praktik për mëngjes ose për vaktin pas drekës. I mbushur plot me sheqer pluhur nga sipër, të kujton ato tortat e gjyshes. Dhe tani, si gjithmonë lidhni rripin e përparëses!
Përbërësit:
250gr miell
200gr sheqer
200gr gjalpë
2 vezë të plota dhe 5 vetëm të verdha
50 gr bajame
1 sodë
Pakëz kripë dhe shumë sheqer pluhur
Përgatitja:
Vendosini vezët e plota dhe të verdhat në një tas. Shtoni sheqerin dhe rrihini me rrahësen elektrike për disa minuta, derisa të krijohet një masë kompakte. Shtoni gjalpin e shkrirë. Grini bajamet me mikser derisa të bëhen pluhur dhe shtojani masës.
Shtoni sodën, kripën dhe miellin me intervale dhe jo njëherësh. Lyejeni me gjalpë dhe përhapni miell në një enë ku do të piqni kekun. Shtoni masën dhe futeni në furrë me 180 gradë për rreth 40 minuta dhe mos harroni të bëni provën me thikë. /tesheshi.com/
