Ka përfunduar me sukses odisea e një skafi të mbetur në detin me dallgë pas përfundimit të karburantit.
Dhjetë orë zgjatën kërkimet, nga deti e ajri, gjersa në orët e mbrëmjes u bë e mundur gjetja dhe shpëtimi i shtetasit Ardian Jahja e një shtetasi italian.
Misionin e shpëtimit e udhëhoqi anija “Oriku”, pikërisht ajo që do të niset për herë të parë në një mision në Egje si pjesë e NATO-s.
Kapiteni i saj, Ilir Çobo i tha Top Channel-it se pasi është konstatuar skafi u arrit rimorkimi i tij së bashku me dy personat që ndodheshin në të, ku në një gjendje më të rënduar ka qenë italiani.
Të dy ata po vinin nga Italia për në Shqipëri pasi kishin blerë skafin. /tesheshi.com/
