Beshiktashi dhe Gallatasaraji janë ndarë në paqe mes tyre. Në derbin e parë në këtë sezon në Superligën turke, rezultati final ka qenë 2-2.
Në “Vodafone Arena”, në stadiumin e ri e jashtëzakonisht modern të Beshiktashit, janë përballur dy prej skuadrave më të mira të momentit në Turqi.
Një sfidë klasike e futbollit turk, ajo është zhvilluar në një frymë miqësore, ndryshe nga ç’ngjet zakonisht në takime të tilla.
Pjesa e parë ka folur për Gallatasarajin, që ka kryesuar me dy gola. Eren Derdiyok dhe Bruma kanë realizuar në nisje e në mbarim të kësaj pjese.
Çka ka ardhur më pas, në 45 minutat e dyta, ka qenë një kthim i plotë i lojës nga vendasit e Beshiktashit, që i kanë barazuar shifrat me golat e Marcelo-s dhe Cenk Tosun-it.
Rezultati 2-2 u shkon për shtat të dyja skuadrave, që mbajnë vendin e dytë dhe të tretë pas pesë javësh, me nga 11 pikë. /tesheshi.com/
