Gjykata e Apelit e Shteteve të Bashkuara ka anuluar pezullimin e ekzekutimit të gruas së vetme që pret dënimin federal me vdekje dhe ekzekutimi do të bëhet në 12 janar, raportoi BBC të shtunën.
Lisa Montgomery mbyti një grua shtatzënë në Misuri para se t’i çante barkun dhe t’i rrëmbente foshnjën e saj mizorisht, ngjarje e ndodhur në 2004.
Nëse ekzekutohet, Montgomery do të jetë e burgosura e parë që ekzekutohet federalisht në 70 vjet.
Data e ekzekutimit supozohej të ishte në dhjetor, por pasi avokatët e saj u infektuan me koronavirus, pati një vonesë.
Ekipi ligjor i Lisa Montgomery tha se ata do të nisnin një peticion drejtuar gjykatësve për të rishikuar vendimin e tyre.
Gruaja e fundit që u ekzekutua nga qeveria amerikane ishte Bonnie Heady, e cila vdiq në 1953 në një dhomë gazi në Misuri. /tesheshi.com/
