Këshilli i Bashkimit Evropian ka miratuar një rekomandim për të hequr kufizimet e përkohshme për udhëtimet në BE për shtetasit e 15 vendeve të botës.
Vetëm Serbia dhe Mali i Zi janë në listën e vendeve që do të jenë të hapura për t’u futur në BE nga e mërkura, në të gjithë rajonin.
BE shprehet se kriteri kryesor për hyrjen në listë ishte numri i rasteve të reja të konfirmuara të infeksionit koronavirus në dy javët e fundit, d.m.th që numri mesatar i të infektuarve për 100,000 banorë, ndryshe, “më i mirë ose i ngjashëm” me mesataren e BE-së që nga 15 qershori.
Këshilli i BE-së thekson që kjo listë do të azhurnohet çdo dy javë, në përputhje me të dhënat më të fundit epidemiologjike.
Sipas të dhënave nga 27 korriku, mesatarja e BE-së ishte 13 të infektuar për 100,000 banorë.
Kështu, sipas të dhënave, Serbia ishte në 20, Mali i Zi 19, Shqipëria 29, Bosnja 32, Maqedonia Veriore 98 dhe Kosova 47 të infektuar për 100,000 banorë.
Gjatë fundjavës, Organizata Botërore e Shëndetit (OBSH) paralajmëroi një numër në rritje të njerëzve të infektuar në “të paktën 11 vende” në Evropë, përfshirë të gjitha vendet e Ballkanit Perëndimor përveç Serbisë dhe Malit të Zi.
Këshilli i BE deklaron se kufizimet e udhëtimit në BE do të vazhdojnë të zbatohen për të gjitha vendet që nuk janë në këtë listë. /tesheshi.com/
