Ajo që përflitej prej kohësh ka ndodhur: Haki Çako, ish-drejtor i Përgjithshëm i Policisë së Shtetit, është emëruar në krye të Emergjencave Civile, duke ia rrëmbyer këtë post Shemsi Prençit. Ky i fundit nuk e ka pritur mirë këtë humbje posti, duke ia faturuar ministres Xhaçka.
“Që në kohen kur ministrja Xhaçka mori detyrën shprehu një lloj hezitimi për të bashkëpunuar me mua. Shpesh i dërgoja memo për te bashkëpunuar ne situata emergjente, por gjithmonë hezitonte te merrte masa konkrete. Emërimi që i ka bërë z. Cako në krye të Emergjencave Civile është i paligjshëm…”, ka deklaruar Prençi.
Prej tre vitesh, që kur u shkarkua nga detyra e kryepolicit, Çako nuk ka mbajtur asnjë detyrë shtetërore, ndërkohë që përflitej prej muajsh se po “ia bënte hyzmetin” postit të mbajtur nga Prençi. Çako e la detyrën, i ndjekur nga xanxa e LSI-së si “Haki droga”. /tesheshi.com/
