Në një deklaratë për shtyp dedikuar ngjarjeve të dhunshme në Rrugën e Kombit, kryeministri Rama, perveçse premtoi ndëshkim ligjor për autorët e djegies e shkatërrimit të sporteleve të pagesës, prentoi gjithashtu dhe ndëshkim politik për opozitën që sipas tij i hodhi benzinë zjarrit.
“Gjuha e benzinës dhe çizmja e dëshpërimit do marrin përgjigjen qershorin e ardhshëm”, tha Rama.
Ndërkohë, Rama premtoi nisjen e një dialogu sqarues me banorët e Kukësit pas asaj që ndodhi këtë të shtunë.
“Me qytetarët që e kundërshtojnë se është e lartë do sillemi siç na e do vizioni. Do bashkëbisedojmë, do dëgjojmë me vëmendje e do shpjegojmë me durim të gjitha të drejtat e shtrembëruara prej gënjeshtarëve dhe sharlatanëve të kazanit politik e omediatik”, theksoi kryeministri.
Ai shtoi se të hënën do takojë kryebashkiakun demokrat të Kukësit, ndërkohë që tha se të gjitha ata këshilltarë socialistë që iu bashkuan protestës së dhunshme, do përjashtohen nga partia që ai e udhëheq. /tesheshi.com/
