Njeriu ka dy lloje të ndryshme të lotëve që ndryshojnë për nga funksioni.
Lotët e reflekseve lajmërohen gjatë iritimit të syve, përmbajnë 98 përqind ujë dhe luajnë rol të rëndësishëm në mbajtjen e lagështisë së syrit. Ekzistojnë edhe lotët emocional, të cilët, përveç ujit përmbajnë edhe hormon stresi.
“Edhe në qoftë se problemi nuk është zgjidhur, qarja do të bëjë që ju të ndjeheni më mirë. Përveç se do të pastrojë trupin prej toksinave, lotët emocionalë do të kurojnë edhe zemrën”, thotë dr. Judith Orloff, një profesor i psikologjisë në UCLA. Prandaj, është gabim kur njeriu i përmbahet me kokëfortësi thënies së vjetër: “të qarit është për të dobëtit.” Është shumë më mirë që njeriu të pranojë versionin e “modernizuar” të saj – “i fuqishëm është ai që është mjaft i fortë dhe i guximshëm sa të mund të qajë,” këshillon psikologja Orloff.
Brejtja dhe mbajtja për brenda e shpeshtë e mërzisë mund të çojë në probleme shumë më të mëdha, andaj qarja nuk duhet të konsiderohet sjellje negative, por duhet të ‘mirëpritet me dy duart’. Qarja në fakt, i bën ndjenjat pozitive më të forta dhe më të sinqerta”, thonë shkencëtarët.
Gjatë qarjes largohen të gjithë ndotësit e akumuluar gjatë periudhave stresuese dhe në të njëjtën kohë qarja nxit prodhimin e hormonit të lumturisë, endorfinet. Kjo është arsyeja pse pasi qajmë ndjehemi më mirë.
“Në vend se ta ngulfasni mërzinë apo zhgënjimin, duke u munduar t’i kontrolloni emocionet dhe duke u përmbajtur nga lotët, shpreheni atë me një të qarë të sinqertë nga thellësia e shpirtit. Gjeni një vend ku nuk do t’ju pengojë askush”, këshillon psikoterapist amerikan Dr. Jane Bolton.
Duke qarë njeriu shpesh e hedh jashtë barrën e emocioneve, andaj pas të qarës ndihet më qetë.
Por, të qajturit është vetëm një nga mënyrat e shprehjes, andaj edhe ajo është individuale. Andaj nuk është mirë që njeriut ka pësuar ndonjë humbje të madhe në jetë t’i themi se të përmbajturit është jo e shëndoshë, ngase kjo nuk është domosdoshmërisht e vërtetë./tesheshi.com/
