Vendimi i Britanisë së Madhe që të braktisë BE-në, sipas partisë maqedonase në pushtet VMRO-së ka shashtrisur tërë botën. Mirëpo ata respektojnë vendimin e Britanisë, por vlerësojnë se me këtë Maqedonia humbi një mbështetës të madh në rrugën e saj drejtë integrimeve euro-atlantike.
“Bëhet fjalë për një vendim eksluziv të shtetasve dhe taksapaguesve të Britanisë, i cili duhet respektuar dhe duhet të ju dëshirojmë sukses në rrugën që ata zgjodhën. BE-ja humbi një vend anëtare shumë të rëndësishëm, kurse Ballkani dhe Maqedonia humbën një vend që përkrahte pa rezervë procesin e zgjerimit”, thonë nga VMRO-DPMNE.
Megjithatë funksionarët e lartë të VMRO-DPMNE-së, përmes rrjeteve sociale nuk kanë hezituar të ironizojnë me referendmin në Britani. Ilija Dimovski thotë se dalja e Britanisë nga BE-ja nuk lë hapësirë që nga Maqedonia të kërkohet ndryshimi i emrit, kurse ish-ministrja e brendshme e njohur me frazën e saj “Shu prajish”, i është drejtuar ambasadorit britanik duke e pyetur “E çka tash?” /tesheshi.com/
