Siç njofton Al Jazeera, në bisedimet e paqes që nisin sot në kryeqytetin e Kazakistanit, delegacioni i kryengritësve sirianë nuk do të ketë bisedime të drejtpërdrejta me përfaqësuesit e qeverisë së Esadit.
Rrjeti i njohur informativ u referohet mbi këtë burimeve të opozitës siriane, ndërsa nisin sot bisedimet në Astana të organizuara nga Rusia, Turqia dhe Irani.
“Sesioni i parë i negociatave nuk do të jetë ballë për ballë, sepse qeveria nuk i është përmbajtur deri tani asaj që ka nënshkruar në marrëveshjen e 30 dhjetorit,” i ka thënë agjencisë AFP një zëdhënës i kryengritësve.
Negociatat që synojnë ta mbështesin armëpushimi e përgjithshëm në tërë Sirinë pritet që të mbyllen mesditën e nesërme. SHBA-ja përfaqësohet në këto bisedime me ambasadorin e saj në Kazakistan, duke mos çuar një delegacion.
Këto bisedime ka gjasa të pasohen më 8 shkurt nga bisedime të tjera në Gjenevë, këtë herë të ndërmjetësuara nga OKB-ja. /tesheshi.com/
