Në ditën e inaugurimit të tij për president, Hashim Thaçi ka ftuar udhëheqës dhe liderë të ndryshëm nga e mbarë bota.
Zëvendësministri i Punëve të Jashtme, Petrit Selimi ka thënë për Indeksonline se përfaqësues të 50 shteteve do të marrin pjesë në ceremoninë e inaugurimit të Hashim Thaçit president.
“Rreth 50 shtete nga mbarë bota do të jenë të përfaqësuar në inaugurim”, ka thënë Selimi.
Ceremonia e inaugurimit e cila pritet të mbahet më 8 prill do të organizohet në sheshin “Skënderbeu” të kryeqytetit.
Kjo ceremoni është paraparë të nisë në orën 11:00 një ditë pasi që presidenti i ri i vendit të jap betimin përpara deputetëve të Kuvendit të Kosovës. /tesheshi.com/
