Rusia po përgatit për manovrat më të mëdha ushtarake që prej Luftës së Ftohtë, të quajtur “Perëndimi 17”, kurse paradën e forcave ushtarake ruse do ta monitorojë nga afër NATO, në një atmosferë të tensioneve të ngritura midis Lindjes dhe Perëndimit.
Zyrtarët perëndimorë dhe analistët vlerësojnë se në mano ato do të mbahen muajin e ardhshëm në Bjellorusi në fushën e Kaliningradit, dhe në territorin e vetë Rusisë, raporton Guardian. Moska zyrtare, megjithatë, pohon se numri i pjesëmarrësve do të jetë dukshëm më i vogël.
Autoritetet ruse gjithashtu thonë se manovrat ushtarake “Perëndimi 17” janë planifikuar shumë kohë më parë, se lloji i tyre zhvillohet çdo katër vjet, dhe se ato nuk janë një reagim ndaj sanksioneve të SHBA. Nga Zyra e NATO-s në Bruksel u njoftua se nuk kishin në plan të reagonin ndaj manovrave të ushtrisë ruse duke vendosur trupa shtesë përgjatë kufirit rus.
Përfaqësuesit e NATO-s kanë thënë se Rusia dhe Bjellorusia kanë dështuar të përmbushin detyrimin ndërkombëtar për transparencë të plotë të manovrave të mëdha ushtarake që do të mbahen muajin e ardhshëm.
“Ne na vjen keq që si Rusia ashtu edhe Bjellorusia kanë dështuar në zbatimin e masave për transparencën e Dokumentit të Vjenës për manovrat “Perëndimi 17”, në përputhje me rregulloret me të cilat janë pajtuar të gjithë anëtarët e OSBE-së”, thuhet në deklaratën e Aleancës, raporton AFP.
Dokumenti i Vjenës kërkon që të gjitha palët të paraqesin paraprakisht informacione mbi stërvitjet ushtarake dhe të lejojnë ekipet e vëzhguesve në mënyrë që të shmanget çfarëdo mundësie për ndonjë keqkuptim të rrezikshëm.
Për shembull, një manovër në të cilën janë përfshirë më shumë se 13.000 trupa, duhet të lajmërohet paraprakisht dhe të jetë e hapur për vëzhguesit.
Manovrat “Perëndimi 17” do të mbahen nga 14 deri 20 shtator dhe vijnë në një kohë të marrëdhënieve të tensionuara mes Rusisë dhe Shteteve të Bashkuara. /tesheshi.com/
