SHBA dhe disa vende të tjera, duke përfshirë Francën, duan të ngrejnë një fond prej dhjetë miliardë dollarë që do të jenë në dispozicion të qeverisë së ardhshme të Venezuelës për të drejtuar ekonominë, tha Sekretari amerikan i Thesarit, Steven Mnuchin.
Sipas tij, nisma ka ardhur të enjten, në një takim të përfaqësuesve të 19 vendeve në prag e takimit të pranverës së FMN-së dhe Bankës Botërore.
Ndër vendet e pranishme ishin Franca, Gjermania, Italia, Japonia dhe Kanadaja.
“Sa herë marr pjesë në një takim të këtij lloji, nuk mund ta besoj se sa situata e venezuelianëve është përkeqësuar akoma më shumë”, tha Mnuchin.
Venezuela është në krizë të thellë ekonomike, gjithashtu dhe politike, me një mungesë të madhe të ushqimit dhe ilaçeve, si dhe hiperinflacion, ndërkohë që miliona njerëz po ikën drejt vendeve fqinje.
Më shumë se 50 vende, duke përfshirë Shtetet e Bashkuara e kanë njohur kreun e opozitës Juan Guaida, kryetar i Asamblesë Kombëtare të Venezuelës, si kreun e ri të kombit jugamerikan, ndërsa Rusia, Kina dhe vende të tjera njohin vetëm Nicolas Maduron si president, pasuesin e Hugo Chavezit. /tesheshi.com/
