Shumica e rishikimeve të katër modeleve të iPhone të paraqitura nga Apple në tetor, janë pozitive.
Hardweri i shkëlqyeshëm, kamerat edhe më të mira dhe aftësia për të zgjedhur midis tre madhësive të ekranit në modelet e reja janë vetëm disa nga tiparet e serisë iPhone 12.
Por ndërsa reagimet fillestare kanë qenë pozitive, gjithnjë e më shumë përdorues kanë filluar të raportojnë problemet e mesazheve kohët e fundit.
Shumica e ankesave kanë të bëjnë me dështimin për të shfaqur njoftimet e mesazheve SMS hyrëse dhe iMessage. Megjithëse ato merren në telefon, nuk ka asnjë njoftim për to, kështu që përdoruesit, nëse nuk shikojnë vetë aplikacionin e mesazhit, nuk do të dinë as që kanë marrë mesazhe.
Sipas disa informacioneve nga rrjeti, një pjesë e vogël e përdoruesve kanë të njëjtin problem me disa aplikacione të tjera komunikimi si WhatsApp dhe Signal.
Përdoruesit të cilët kanë shkruar për këtë problem në forume të Apple dhe rrjetet sociale thonë se ata u përpoqën ta zgjidhnin atë duke ristartuar pajisjen, duke ndryshuar cilësimet brenda telefonit dhe në mënyra të tjera, por asgjë nuk ndihmoi.
Por përdoruesit e telefonave të tjerë Apple, jo vetëm modelet më të fundit të iPhone 12, kanë filluar të ankohen për të njëjtat probleme, gjë që tregon se problemi nuk është te telefonët, por në versionin e ri të softwerit.
iOS 14, versioni i fundit i sistemit operativ celular të Apple, përveç widget-eve të shumë pritura, duket se u ka sjellë përdoruesve edhe probleme me mesazhe.
Ekipi në Apple është i vetëdijshëm për këtë problem dhe njoftimi i rifreskimit më të fundit (versioni iOS 14.3), i cili është i disponueshëm nga 14 dhjetori, thotë se problemi me mosshfaqjen e njoftimeve të mesazheve hyrëse është zgjidhur. /tesheshi.com/
