Hulumtimi i fundit i Kaspersky ka treguar që përdoruesit e internetit dëshirojnë të mbrojnë sa më shumë informacionin e tyre personal në faqet e internetit ose rrjetet sociale, pasi janë gjithnjë e më shumë të vetëdijshëm se ku informacionet e tyre personale janë në dispozicion në internet.
Rreth 82 përqind e të anketuarve thanë se u përpoqën të heqin informacionin privat nga faqet e internetit ose rrjetet sociale, ndërsa një e treta nuk dinin ta bënin atë.
Përdoruesit kanë treguar se ata nuk shqetësohen vetëm për informacionet e tyre private, por edhe për informacionin e të dashurve të tyre.
Raporti zbuloi se 24 përqind e përdoruesve pretenduan se informacioni i tyre personal ose informacioni mbi familjen e tyre u bënë të disponueshme publikisht pa pëlqimin e tyre.
Gati gjysma e të anketuarve përdorin masa shtesë kur përdorin internetin për të fshehur informacionin personal nga kriminelët në internet dhe faqet e internetit që vizitojnë, ndërsa në një përqindje pak më të vogël, ata fshehin përmbajtjen personale nga të tjerët duke përdorur të njëjtën pajisje.
Për më tepër, disa përdorues mbeten mosbesues ndaj ruajtjes së informacionit personal në pajisjet e tyre, dhe kështu një e pesta e të anketuarve thanë se ishin të shqetësuar për informacionin personal që “ruhet” nga aplikacionet në pajisjet e tyre mobile. /tesheshi.com/
