Rasti i përdhunimit të një turisteje amerikan nga një i panjohur në një tualet publik pranë Katedrales Notre-Dame në Paris, ka shqetësuar prokurorët e kryeqytetit francez.
Sipas asaj që u bë e ditur, partneri i gruas e ka kërkuar, kur ka konstatuar se ajo ishte vonë për të dalë nga tualetet dhe e ka gjetur duke qarë, pas sulmit seksual që kishte pësuar. Qytetarët kanë arritur të kapin dhe ta mbajnë të dyshuarin përdhunues derisa policia ka mbërritur dhe e ka marrë.
Një 23-vjeçar i pastrehë me origjinë nga Afrika e Veriut është akuzuar për përdhunim pas incidentit të ndodhur në orët e para të së dielës së kaluar. Ai dyshohet se iu afrua viktimës, një grua 27-vjeçare, në një tualet publik pranë urës Louis-Philippe, përballë katedrales.
Një burim i përfshirë në hetime tha se “gruaja amerikane ishte duke ecur përgjatë brigjeve të Seine në fund të një të shtunë mbrëma me partnerin e saj kur hyri në tualetin, i cili ishte i ndriçuar mirë dhe kishte shumë njerëz rreth saj. Partneri i gruas u shqetësua kur kuptoi se ajo po qëndronte brenda për një kohë të gjatë”.
Kur ai hyri në tualet, dëgjoi gruan duke qarë dhe më pas kuptoi se ajo ishte sulmuar, tha i njëjti burim.
Viktima arriti të çlirohej dhe më pas partneri i saj dhe gratë e tjera në tualet arritën të kapnin në kurth të dyshuarin përdhunues deri sa mbërriti policia.
Pas marrjes në pyetje, ai u akuzua për përdhunim. 23-vjeçari mohoi akuzat, duke thënë se veprimi i tij është bërë me pëlqimin e 27-vjeçares, përpara se të dërgohej në burg.
Gruaja u dërgua në spitalin Pitie-Salpetrière në Parisin lindor, ku iu dha ndihma e parë dhe tashmë është kthyer në SHBA me partnerin e saj, duke mbajtur kontakte me policinë dhe prokurorët francezë.
Zona ku ndodhi sulmi është zakonisht plot me turistë dhe përfshin Paris Plage, një “plazh” artificial në Seine plot me atraksione turistike. Megjithatë, ka raportime të shpeshta për incidente të paligjshmërisë nga të rinjtë që kërcënojnë kalimtarët. /tesheshi.com/
