Statuja e heronjve të kombëtares angleze që kishin fituar Kampionatin Botëror, të vetmin në vitin 1966, është përdhosur në fundjavën që lëmë pas, me gjasë nga tifozët londinezë të Chelseas.
Statuja është e vendosur afër stadiumit Upton Park të West Ham United dhe pikërisht kur kjo skuadër u ndesh me Chelsean këtë javë, tifozët blu kishin shfryrë gjithë mllefin e tyre në skulpturën legjendare angleze.
Në këtë skulpturë janë të përfshirë futbollistë si Bobby Moore, Geoff Hurst, Martin Peters dhe Ray Wilson. Statuja është punuar nga skulptori Philip Jacskon dhe është zbuluar në vitin 2003.
Mësohet se rreth një litër bojë me ngjyrë blu është shpërndarë rreth statujës, deri sa kompania e pastrimit ka njoftuar se u janë dashur shumë punë për ta rikthyer në gjendjen e mëparshme. /tesheshi.com/
