Janë shtuar rastet e zjarreve në të gjithë vendin, duke e çuar situatën drejt alarmantes. Në 24 orët e fundit në të gjithë territorin shqiptar janë shënuar 13 vatra në banesa, në magazina, pyje e kullota.
Zjarret në banesë dhe biznes u konstatuan në Tiranë, Shkodër dhe Dibër.
Një magazinë e riciklimit në kryeqytet u përfshi nga flakët gjatë orëve të para të mëngjesit të martës. Fatmirësisht nga zjarri nuk ka të lënduar në njerëz, por vetëm dëme të shumta materiale. Mësohet se flaket u shfaqën në fshatin Arbanë, rreth orës 4:50 minuta të mëngjesit. Për shuarjen e tyre u angazhuan tre mjete zjarrfikëse. Ende nuk dihet shkaku i zjarrit.
Vatra zjarresh veçanërisht ne pyje ka pasur edhe ne qarkun e Elbasanit por ajo që vihet re është mungesa e mjeteve mjetet për të përballuar rastet e emergjencave.
Dy vatra zjarri janë shfaqur në Durrës, konkretisht në zonën e Gjirit të Lalzit dhe një tjetër pranë stacionit të Trenit. Forca zjarrfikëse arritën të normalizonin situatën. Në Gjirin e Lalzit zjarri përfshiu një zonë me pyje, ndërsa në hyrje të qytetit bregdetar flaket kane djegur shkurret.
Ndërkohë, zjarri i rënë në pyllin me pisha në fshatin Cakran të Fierit i favorizuar edhe nga era ka shkrumbuar rreth 5 ha pyje. Megjithatë fatmirësisht nuk rrezikohen banesat.
Pavarësisht numrit të shtuar të forcave zjarrfikëse, terreni i thyer e bën edhe me të vështirë ndërhyrjen veçanërisht ne zonat e thella te masiveve pyjore. /tesheshi.com/
