Përçahen shqiptarët e Luginës së Preshevës. Deputeti i Parlamentit të Serbisë, Riza Halimi, kryetari i Partisë për Veprim Demokratik,ka kundërshtuar Asocacionin e Komunave Shqiptare dhe këtë e ka bërë në mediat serbe.
Halimi tha se e gjithë kjo është bërë të larguar vëmendjen nga problemet e shumta në Preshevë, Bujanovc dhe Medvegjë.
Halimi, sipas mediave serbe, e ka përmendur kryetarin e Preshevës, Ragmi Mustafën, sipas të cilit ka pakënaqësi të shumta të qytetarëve, dhe madje kanë paralajmëruar një protestë më datën 18 shtator.
Halimi deklaroi se Mustafa ka qenë i interesuar për një ngjarje të tillë, që do t’i linte në hije problemet.
Deputeti Halimi, i cili bojkotoi mbledhjen e djeshme të këshilltarëve shqiptarë të tre komunave, tha se në Preshevë nuk ka ndodhur diçka e re pasi, sipas tij, pjesëmarrësit e tubimit vetëm në mënyrë teorike kanë biseduar.
Halimi ka deklaruar se këshilltarët nga partia e tij nuk kanë marrë pjesë, pasi ky vendim nuk do të kontribuojë në zgjidhjen e problemeve.
Halimi bëri të ditur se kishte propozuar të shqyrtohet në nivel të tre komunave dhe pastaj , pasi të merret qëndrimi, të mbahet mbledhje e përbashkët./tesheshi.com/
