Një ngjarje jo politike ka kuriozuar portalin rus Sputnik në Shqipëri.
Duke cituar të përditshmen britanike, Sputnik thekson se përbindëshi Loch Ness, i njohur gjithashtu si Nessie, është një krijesë e frikshme e cila sipas legjendës, jeton në një liqen në malësinë skoceze.
Megjithatë, përbindsha të ngjashëm mund të gjurmohen jo vetëm në Skoci, por në vende të tjera në Evropës.
Një video e asaj që dukej si një krijesë e ngjashëm me përbindshin e Loch Ness është postuar në YouTube.
Pamjet tregojnë një kokë dhe një pjesë të qafës së krijesës misterioze që dalin nga pjesa shqiptare e liqenit të Prespës së Madhe, që ndan vendin me Greqinë dhe Maqedoninë.
Siç bën të ditur Mirror-i britanik, videoja është filmuar pranë fshatit turistik shqiptar të Pretorit, ku disa vendas vazhdojnë të besojnë në ekzistencën e përbindëshit të liqenit, ndërsa të tjerët insistojnë që krijesa të jetë asgjë tjetër veç një mustak gjigant.
Mësuesja e gjeografisë së fshatit, tashmë në pension, Sima Jonoski, tha se “ndonjëherë në Liqenin e Prespës ndodhin gjëra që nuk i sheh në vendet e tjera”.
Liqeni i Madh i Prespës besohet të jetë një nga liqenet më të larta tektonike në Ballkan, që ndodhet në një lartësi prej 2.798 metra (rreth 853 metra). /tesheshi.com/
