Ndërsa është bërë e qartë tashmë se rusët kanë hequr dorë nga Kievi, duke u laguar madje dhe nga qytete të tjera që i mbajtën për disa ditë, Ramzan Kadyrov, udhëheqësi i fuqishëm i Çeçenisë, duket se është në kundrarrymë. Ai tha herët në mëngjes se do të ketë një ofensivë nga ushtria ruse jo vetëm në qytetin e rrethuar të Mariupolit, por edhe në Kiev dhe qytete të tjera të Ukrainës.
“Do të ketë një ofensivë… jo vetëm në Mariupol, por edhe në vende të tjera, qytete dhe fshatra,” tha Kadyrov në një video-mesazh të postuar në Telegram.
“Luhansk dhe Donetsk – së pari do t’i çlirojmë plotësisht – dhe më pas do të pushtojmë Kievin dhe të gjitha qytetet e tjera”, tha njeriu me një personalitet të diskutueshëm, të cilit i ka rënë miti i fuqisë në këtë konflikt actual, pasi në terren, përkundër përbetimeve të tij luftarake, forcat që ai ka nuk arritur të kenë suksesin e pretenduar.
Megjithatë, Kadyrov thotë se nuk ka dyshim për Kievin. “Unë ju garantoj: ne nuk do të bëjmë asnjë hap të vetëm,” tha ai.
Mbetet të shihet nëse deklarimet e Kadyrov-it janë sinjale Kremlini, apo delirime personale të tij pa lidhje me realitetin. /tesheshi.com/
