Në opinionin kosovar vijon ende debati mbi përballjen e Ramës me një kastë analistësh vendas në Klan Kosova të enjten e kaluar. Po në këtë televizion dhe po në këtë studio, të hënën pati një tjetër debat po për debatin e së enjtes, ku poashtu ishin disa analistë të saj nate.
Por ai që i ka hedhur ca pak benzinë zjarrit, ka qenë kreu i komunës së Kosovës, Shpend Ahmeti. Ai, nuk ka mbajtur hapur krahun e ndonjërës palë, Ramës apo analistëve, por ka luajtur me fjalë duke tentuar të qëllojë me pambuk më së shumti këta të dytët.
“Dje pash Prapaskena, paraskena dhe gati psikoanalizë të pjesëmarrësve të debatit në Klan Kosova. Po don me u bo temë e mundshme doktorature kjo punë”, ka shkruar Ahmeti një status në facebook, si koment ndaj post-debatit në Klan Kosova kushtuar përballjes Rama-analistë.
Prej katër ditësh, mediat sociale zjejnë nga komentet dhe videot me pasazhe ku më shumë se vlerësime ndaj kryeministrit shqiptar, përcillen përçmime për analistët e pranishëm në panel, sidomos Dardan Gashin. /tesheshi.com/
