Ish-kampioni i boksit në peshat e rënda dhe kryebashkiaku aktual i Kievit, Vitali Klitschko, i është bashkuar stërvitjeve të rezervistëve ukrainas, ndërkohë që tensionet mes Rusisë dhe Ukrainës po rriten.
Në një intervistë për Daily Telegraph, ai vlerësoi se një trajnim i tillë është i domosdoshëm për zyrtarët e rangut të lartë dhe të mesëm të një vendi që është “në luftë për gati tetë vjet”.
Në të njëjtën kohë, Klitschko e përshkroi presidentin rus Vladimir Putin si “gangrenë” që prek Evropën.
Situata ka çuar në rritjen e tensioneve midis Rusisë dhe Perëndimit, e cila akuzon Moskën për grumbullimin e forcave në kufirin me Ukrainën dhe përgatitjen e një pushtimi të atij vendi.
Moska i hedh poshtë këto pretendime dhe thekson se siguria e saj është e rrezikuar nga dëshira e NATO-s për të tërhequr Ukrainën në Aleancë, ndaj kjo është arsyeja pse Rusia u kërkoi Shteteve të Bashkuara dhe NATO-s garanci sigurie, duke përfshirë moszgjerimin e Aleancës në lindje. /tesheshi.com/
