Në qytetin polak të Gdansk-ut, dy përdorues të Uber-it sulmuan një shofer ukrainas. Ata e kanë kërcënuar dhe më pas e kanë sulmuar fizikisht.
Dy shtetas polakë të moshës 40 dhe 43 vjeç këruan Uber-in që t’i transportonte ata nga aeroporti. Gjatë udhëtimit, ata filluan të pinin birrë dhe të silleshin mjaft agresivisht. Pasi shoferi, një student nga Ukraina, i paralajmëroi ata të qetësoheshin, polakët reaguan në mënyrë të pahijshme dhe e sulmuan.
Polakët kanë kërcënuar ukrainasin dhe pasi ky i fundit i ka thënë se do t’i zbresë nga automjeti nëse nuk qetësohen, dy personat e kanë sulmuar fizikisht.
Personi i ulur në sediljen e parë e goditi shoferin në fytyrë. Më pas shoferi përdori gaz lotsjellës për t’u mbrojtur. Ai ka zbritur nga makina dhe ka nisur të bërtasë, gjë që ka bërë që dy polakët të largohen me vrap.
E gjithë ngjarja është kapur nga kamera e vendosur brenda automjetit. Policia ka nisur menjëherë hetimet për rastin.
Të nesërmen në mëngjes u gjetën dy personat agresivë ku njëri prej tyre u përpoq të arratisej në Norvegji.
Të dy akuzoheen për kanosje dhe lëndim të lehtë trupor, për të cilin përballen me dy vite burg.
Ky është një nga një seri incidentesh të drejtuara kundër ukrainasve. Konkretisht, qëndrimi i polakëve ndaj ukrainasve në vendin e tyre kohëve të fundit është përkeqësuar, shkruajnë disa media. /tesheshi.com/
#TaxiStrike #taxi #uber #Ukraine #Libya #poland#UkraineRussiaWar #Fighter#huligans
A student from Ukraine who drives a taxi is beaten because he banned drinking alcohol in the taxi.🙉 pic.twitter.com/1YRbXBLJp2— LiSsaa (@horde_slk) September 12, 2023
