Përballja e pritshme me Kosovën për Euro 2020, Çekia ndërpret shitjen e biletave: ja ç’na tremb…

Federata Çeke e Futbollit ka pezulluar shitjet në internet të biletave për takimin e pritshëm me Kosovën në kuadër të eliminatoreve të Euro 2020. Ndeshja do të luhet në 14 nëntor në Plzen dhe, sipas përllogaritjeve, do vendoset pikërisht aty se cila skuadër do të kualifikohet në Kampionatin Evropian.

Federata kujtoi se ishte një ndeshje me rrezik të lartë dhe u bëri thirrje tifozëve që të përmbahen nga çdo provokim politik dhe gjeste kundër ekipit kombëtar të Kosovës.

Përveç aspektit konkurrues të lojës, tensionet rriten edhe nga ngjarje që kanë pak lidhje me atë çfarë ndodh në fushë. Kjo ngase në prag të ndeshjes së parë të këtyre dy ekipeve, në shtator në Prishtinë, policia lokale arrestoi tifozët çekë që kishin një dron të gatshëm me pankartën “Kosova është Serbi”. E ditë pas, pas Kosova shënoi një fitore historike 2-1, presidenti Milos Zeman vizitoi Beogradin, nga ku tha se vendi i tij duhet të rishohë një tërheqje të mundshme të njohjes së Kosovës.

Njoftimi për ndërprerjen e shitjes së biletave, i cili u bë në faqen zyrtare të Federatës Çeke të Futbollit, thotë se gjithçka do të rinisë me 23 tetor në “Doosan Arena” në Plzen. Biletat mund të blihen vetëm me një kartë identiteti dhe një person mund të blejë deri në katër sosh.

“Ndeshja e nëntorit me Kosovën u vlerësua si me rrezikshmëri të lartë dhe siguria është, sigurisht, përparësia jonë. Përveç kësaj, ekziston një lidhje me ngjarjet që ndodhën në Bullgari gjatë ndeshjes seleksionuese në shtëpi kundër Anglisë. UEFA e ka bërë të qartë se gjestet raciste apo politike nuk kanë vend ë futboll dhe se kjo nuk do të tolerohet”, tha Presidenti i Shoqatës Çeke të Futbollit, Martin Malik.

Ai u bëri thirrje tifozëve çekë të përmbahen nga çdo provokim dhe gjeste që mund t’i kushtojë pikë ekipit, dhe në fund të fundit, renditjes në Euro 2020. /tesheshi.com/