24 orë para ndeshjes Partizani i Beogradit – Skënderbeu, takim që do të zhvillohet në kryeqytetin serb, kanë nisur të qarkullojnë lajmet e para të cilat shfaqin një situatë paragjykuese e të tendosur.
Fillimisht u përfol shkuarja e shqiptarëve me dron, një psikozë të cilën serbët e vuajnë prej gati tre vitesh, që nga ndeshja mes dy përfaqsueseve. Por ndërkohë, jepet lajmi se afro 2000 shqiptarë nga qytetet e Serbisë jugore, Presheva, Bujanoci, Medvegja, Nishi dhe Vranja, do dynden në Beograd për të bërë tifo për Skënderbeun e Korçës.
Ekipi shqiptar është pritur e shoqëruar nën masa të rrepta sigurie, ndërkohë që në ardhjen e ekipit serb në Tiranës e më pas në Korçë për takimin e parë, nuk pati asnjë incident, në stadium apo jashtë tij.
Takimi përfundoi në barazim 0-0 dhe i kthimit të enjten në Beograd, do jetë përcaktues. Serbët vuajnë dhe një tjetër psikozë në këtë pikë: eliminim e Partizanit të tyre nga Flamurtari ynë, afro 30 vjet më parë. /tesheshi.com/
