Për tu ushqyer shëndetshëm provoni sallatën me lulelakër dhe ullinj

Nëse jeni të ngopur nga fundjava dhe keni dëshirë ta nisni javën duke u ushqyer shëndetshëm, atëherë kjo është sallata e duhur për ju: lulelakër me ullinj

Përbërësit:

1 lulelakër

2 lugë të vogla Kaperi

2 thelpinj hudhër

12 ullinj të zinj

4 lugë vaj ulliri

2 lugë uthull të bardhë

Majdanoz

Kripë

Piper

Përgatitja:

Fillimisht, pastrojmë lulelakrën duke e ndarë në pjesë të vogla dhe duke mënjanuar trungun kryesor. E lajmë nën ujë të rrjedhshëm dhe e vemë të ziejë në ujë me kripë për 15 minuta. Për të evituar erën e keqe që mund të shkaktojë ky perim gjatë zierjes, shtojmë edhe një kore buke të zhytur në uthull.

Në një tas qelqi hedhim lulelakrën e zierë, shtojmë majdanozin dhe hudhrat e grira hollë, kaperit të shpërlarë nga kripa, ullinjtë e plotë, vajin e ullirit, uthullën, e rregullojmë me pak kripë dhe piper dhe i përziejmë të gjithë përbërësit mirë me njëri tjetrin.

E lemë në këtë mënyrë sallatën të marinohet për të paktën 30 minuta përpara se ta shërbejmë në tavolinë./tesheshi.com/