“Fëmijët e mi janë shumë të bukur. Nuk do ti ndërroja ata me asnjë gjë në botë”. Kështu është shprehur Ma Zhiqiu, një nënë beqare 37-vjeçare, e cila ka folur për djemtë e saj binjakë, të dy 21-vjeçar, Zhang e Yuanjun, të prekur nga autizmi, paraliza cerebrale dhe obeziteti.
Gjithçka po ndodh në qytetin Sayno në Kinë dhe siç raporton Mirror, Ma Zhiqiu është një nënë me shumë guxim. Ajo ka nxjerrë në dritë dhe i ka rritur e vetme djemtë e saj, duke punuar në punë nga më të ndryshmet, por gjithmonë duke i rritur ata me shumë dashuri.
Historia e saj doli në dritë në mediat kineze dhe gruaja fitoi zemrat e opinionit dhe publikut. Pavarësisht vështirësive të shumta dhe të pafundme që Ma ka pasur në rritjen e djemve, ajo ka bërë më të mirën e saj dhe ka mundur që Yuanjun të bëhet një këngëtar i mirë i muzikës kineze.
“Yuanjun ka një formë më pak të rëndë të paralizës cerebrale, është në gjendje të lëvizë i vetëm dhe arrin të kujdeset për veten. Sot është edhe një këngëtar i mirë dhe i talentuar. Fëmijët e mi janë shumë të bukur që të dy dhe nuk do ti ndërroja me asnjë gjë në botë”,- ka thënë Ma Zhiqiu për mediat. /tesheshi.com/
