Karlye Thurlow është një grua që ka humbur thuajse gjysmën e peshës së saj trupore në nëntë muaj. Me 60 kilogramë më pak, ajo ka arritur të ketë një formë shumë të mirë trupore dhe të ndryshojë tërësisht mënyrën e të jetuarit. Përpara se të niste dietën, vetë gruaja pranon se konsumonte rreth 4 kilogramë Coca Cola në ditë. Më pas e kuptoi se duhej të ndryshonte menjëherë mënyrën e ushqyerjes dhe të bënte aktivitet fizik. Ajo që e shtyu për të realizuar këtë ndryshim drastik ishte dëshira për të qenë një shembull i mirë për fëmijët e saj.
Në moshën 36-vjeçare, gruaja australiane u shndërrua në një trainuese personale dhe nisi të ishte një pikë referimi jo vetëm për fëmijët e saj, por edhe për shumë persona të tjerë që duan të dobësohen dhe të bëjnë një jetë të shëndetshme.
Pas lindjes së fëmijës së saj të dytë, ajo peshonte 120 kilogramë dhe siç tregon për Dail Mail, ishte gjatë gjithë kohës e mërzitur dhe e lodhur.
“Një ditë, ndërsa po përgatisja ushqimn e fëmijëve të mi, mu duk vetja shumë hipokrite, ndërsa i mësoja se si duhej të ushqeheshin shëndetshëm, ndërsa isha vetë ajo që nuk po e ndiqja këtë shembull. Nisa të humbas peshë dhe të ndryshoja mënyrën e ushqyerjes, si dhe fillova të ecja rreth një orë çdo ditë”, – tregon ajo.
Pas tre muajve ushqim të shëndetshëm dhe ecje, ishte gati të shkonte në palestër dhe të bënte ushtrimet e duhura fizike. Ndryshimi i mënyrës së jetesës nuk ka qenë dhe aq i thjeshtë për një njeri ë luftoi me obezitetin për rreth 20 vite rresht, por tani ajo është krenare për trupin e saj. Trajnohet edhe në shtëpi për të pasur të njëjtën formë trupore dhe vijon të ushqehet shëndetshëm. /tesheshi.com/
